D`Gsichter hinter Hängsmal
Ronja und Ricci
Eusi Wäg händ sich dur euses gmeinsame Umfeld s erste Mal krützt. Zerst nume Bekannti, denn
Fründe und denn sehr unerwartet- l`amore.
Als Idee für
es selbergmachts Wiehnachtsgschänk a mich, hett de Ricci d Materialie für de
ersti selbergmachti Schlüsselahänger im Internet zämegsuecht. Natürlich isch
das grosse Päckli denn nöd unbemerkt blibe und de gheimi Plan zum Gschänk isch zumene
gmeinsame Projekt wurde. So händ mir schlussendlich de ganzi Dezember mitem
knüpfe und flechte vo verschiedenste Schlüsselahänger für eusi Liebste verbracht.
.
Dadebii sind
so viel tolli Ahänger entstande ii allne mögliche Farbe. Natürlich händ denn au
es paar de Wäg uf Depop und Instagram gfunde. Unglaublich vill tolli Mensche vo
überall us de Schwiiz händ eus gschribe wie schön sie die Schlüsselahänger
finded. Null gfasst uf die positivi Resonanz hämmer denn Stück für Stück immer
meh Puzzleteili zämegsetzt.
Aber Hängsmal isch nöd nur es Produkt us de Chöpf vo Ricci und Ronja. Hängsmal isch es Produkt wo nur wäg eusne Fründe, Familie, hilfsbereite Mensche und wiitere kreative Chöpf hett chöne entstah. Es zeigt eus, was für schöni Sache entstönd wenn Mensche zämechömed und enand unterstützed. Zäme hängt sichs halt eifach tuusig mal besser. Mir sind dankbar und stolz druf das Hängsmal für all Mensche staht wo s Läbe lebenswert und liebenswert mached. Es isch jede Schlüsselahänger es Unikat wo mit Liebi zum Detail hergstellt wird. Setzt dis Outfit mitem letschte Schliff in Szene und wird au du en Teil vo de Hängsmal Family!
Love, Ricci und Ronja
